हाल मनसुनको न्यूनचापीय रेखा सरदर स्थानको आसपासमा अवस्थित रहेको छ ।
बंगालको खाडीबाट मनसुनी हावाको प्रभाव केही बढेको जल तथा मौसम पूर्वानुमान महाशाखाले जनाएको छ । आज बिहान देशभरि आंशिकदेखि साधारणतया बदलीको अवस्था छ। देशका अधिकांश भूभागमा वर्षा भइरहेको महाशाखाले जनाएको छ। कोशी र लुम्बिनी प्रदेशका केही स्थानमा भारी वर्षा पनि भएको छ। आज दिउँसो देशभरि नै बदली हुने पूर्वानुमान छ। साथै सातै प्रदेशका अधिकांश पहाडी भूभागमा हल्कादेखि मध्यम वर्षाको सम्भवना रहेको मौसम विज्ञान विभागले जनाएको छ । कोशी, गण्डकी र सुदूरपश्चिम प्रदेशका केही भूभागहरूमा भारी वर्षाको पनि सम्भावना रहेको छ । आज राति पनि देशैभरि आंशिकदेखि साधारणतया बदली रहने पूर्वानुमान छ। राति कोशी र सुदूरपश्चिम प्रदेशका एक दुई स्थानमा भारी वर्षाको सम्भावना रहेको छ ।
मौसम अपडेट
